Sufism
Thursday, August 5, 2021
ONLINE ISTIKHARA AND ROHANI ILAAJ
Wednesday, August 4, 2021
ALLAH KE ZIKAR KI FAZILAT
Zikr ki Fazilat Quran mein:
Allah Ta’ala Quran-e-Majid main farmata hai:
“Iss liye tum mera zikr karo main bhi tumhain yaad karunga,
meri Shukr Guzari karo aur Nashukri se bacho.” [Al-Baqra:2:152]
“Aye Emaan Waalo! Allah Ta’ala ka bahut ziyada zikr karo”.
[Al-Ahzaab: 22:41]
“Aur Allah Ta’ala ko ziyada yaad karne wale mard aur bahut
ziyada yaad karne wali aurtain, Allah Ta’ala ne un ke liye maghfirat aur
ajr-e-azeem tayyaar kar rakkha hai”. [Al-Ahzaab 22:35]
“Aye insaan! Apne Rab ko apne dil mein aajzi aur khauf ke
saath aur buland aawaaz ki nisbat past (dhimi) aawaaz ke sath subh-o-shaam yaad
kar aur ghaafilon mein se na ho jana”. [AI-A’raaf 7:205]
Zikr ki Fazilat Aahadees ki roshni mein:
Hadees: “Us shakhs ki misaal jo apne Rab ko yaad karta hai
aur us shakhs ki misaal jo apne Rab ko yaad nahin karta, zinda aur murda ki
tarah hai.”
Bukhari: 6407, Sahih Muslim:779
Hadees: Aap (ﷺ)ne farmaya: “kya main tumhen tumhare aamaal
mein se behtareen (amal) ke baare mein na bataoun, jo tumhare maalik ke nazdeek
pakeezah tareen, tumhare darjaat me buland tareen, tumhare liye sona chandi
kharch karne se achchha aur tumhare liye iss baat se bhi behtar ki tum apne
dushman se aamna saamna karo to tum un logon ki gardanein maaro aur woh
tumhaari gardanein maar le. Sahaaba (R.A) ne kaha: “Kyun nahin!” Aap (ﷺ) ne
farmaya “Allah Ta’ala ka zikr.
Tirmizi : 2377, Ibne Majah: 7390
Hadees: Aap (ﷺ) ne farmaya: Allah Ta’ala farmata hain:
“Main apne baare mein apne bande ke gumaan ke mutaabiq hoon, jab woh mujhe yaad
karta hai tou main us ke saath hota hoon. agar woh mujhe apne dil mein yaad
karta hai tou main use apne dil mein yaad karta hoon, agar mujhe kisi jama’at
mein yaad karta hai tou main usey us’se behtareen jama’at me yaad karta hoon,
agar woh baalisht bhar mere qareeb aaye tou main ek haath uske qareeb aata
hoon. agar woh ek haath (ke faasle baraabar) mere qareeb aaye tou main do haath
(phailane ke faasle ke baraabar) uske qareeb aata hun, agar woh chlata huwa
mere paas aaye tou main daudta huwa uske paas aata hoon.
Sahih Bukhari: 7405, Sahih Muslim: 2675
Hadees: Abdullah bin Busr se marvi hai ke ek aadmi ne
kahaa: “Aye Allah ke Rasool(ﷺ)! mujh par islaam ke ahkamaat bahut ziyaadah ho
chuke hain, Aap mujhe kisi aise amal ke baare mein bataiye jis par main
mazbooti se (mustaqil mizaaji ke saath) amal kar sakun. Aap(ﷺ) ne farmaaya:
“tumhaari zabaan hamesha Allah ke zikr se tar rahe.
Sunan Tirmizi:3375, Ibne Majah:3793
Hadees: Aap (ﷺ) ne farmaaya:
“Jis shakhs ne kitabullah se ek harf padha, uske liye uske
badle mein ek neki hai, aur ek apne jaise dus nekiyon ke baraabar hai (ya’ni
dus guna ajar milega) Main nahin kahta ki Alif ek harf hai lekin alif ek harf
hai laam ek harf hai aur meem ek harf hai.
Sunan Tirmizi: 2910
Hadees: Uqbah bin Aamir (R.A) se marvi hai unhon ne kaha ki
hum safar mein the, Rasool (ﷺ) baahar aaye aur farmaya:
“tum mein se kaun hai jise pasand ho ki woh bathaan ya
Aqeeq (do wadiyon ke naam) ki taraf savere jaye aur bade bade kuhaanon wali do
ountniyan baghair gunah kiye aur baghair qata’ rahmi ke liye aaye. hum ne kaha
aye Allah ke Rasool (ﷺ)! hum sab yeh baat pasand karte hain. Aap (ﷺ) ne
farmaya: “kya tum mein se koyi shakhs aisa nahin jo subah savere masjid ki
taraf aaye aur Allah azzawajal ki kitab ki do aayaat seekhe ya padhe yeh uske
liye do ountniyon se behtar hai aur teen aayaat teen ountniyon se behtar hain
aur chaar aayaat chaar ountniyon se behtar hain,aur jitni hi aayaat hongi utni
hi ountniyon se behtar hain.
Sahih Muslim 803
Hadees: Jo shakhs kisi jagah baithha aur wahan usne Allah
ka zikr nahin kiya to woh jagah Allah ki taraf se uske liye ba’yise nuqsaan
(ghabrahat wa parishani) hogi aur jo shakhs kisi jagah leta jahan usne Allah ka
zikr nahin kiya to woh jagah us ke liye Allah ki taraf se uske liye ba’yise
nuqsaanfghabrahat wa parishani) hogi.
Sunan Abu Dowood:4856
Hadees: Jo qaum kisi aisi majlis se uthhti hai jis men
unhon ne Allah ka zikr nahin kiya hota to gadhe ki sadi huyi laash jaisi cheez
se uthhti hai aur yeh majlis unke liye ba’yise hasrat hogi.
Sahih Abu Dawood:4855, Musnad Ahmed: 2/224
ROHANI ILAAJ KA TAREEQA
Rohani ILaaj ka Tareeqa:
Ghar se Jinnat yaa Shayateen ko bhaganay ke Liye:
Surah Baqarah ki tilawat 41 din tak chalai jaye. Iss main
koi nagha nahi hona chaheye. Ghar se har qisam ke jinnati aur shaitani asraat
khatam ho jayeingay Insha-Allah. Dinon ki tadad maslay ki shiddat ke aitbaar se
barhai ya ghatai jaa sakti hai. Agar masla mamooli hai to 21 din bhi kaafi hain.
Lekin agar masla ki shiddat ziada hai to phir tadad 41 Din ya phir iss se ziada
bhi barhai jaa sakti hai. Mushahday main yehi aya hai kay 41 Din main Allah ke
Fazal se har tarah ka masla hal ho jata hai.
Kisi Shakhs par Jadu ya Jinnati Asrat Ke Liye:
- Surah Baqarah ki tilawat Rozana Sunena behad mufeed aur akseer hai.
- Iss ke saath Fajar ki namaz ke baad 4th Kalma 100 times Awwal Akhir Durood Shareef ke saath parhay aur haathon pe dum kar ke pooray jisam par phair lay. 21 yaa 41 din main har qisam ka masla hal ho jaye ga Insha-Allah.
Tuesday, August 3, 2021
JADU KI HAQEEQAT AUR ILAAJ
Jadu ki Haqeeqat:
Jadu Quran se sabit hai aur kai aik maqamaat par iss kaa
tazkira maujood hai. Jadu kaa inkaar karna goya Quran ki ayaat ka inkaar hai.
Hazrat Mosa (A.S) aur Firown ke waqiat main aur Hazrat Sulaiman (A.S) ke waqiat
main kasrat se iss ka tazkira moujood hai.
Kuch Ayat ka reference neechay dia gaya hai.
Surah Baqarah: Ayat number 102
Surah Younas: Ayat number 77
Surah Younas: Ayat number 81 & 82
Surah Taha: Ayat number 67, 68 & 69
Jadu kia hai?
Kisi par shaitani amliyat ki madad se jinnat, Churail, Hamzad,
Bhoot, Asaib yaa kisi aur shaitani taqat ko musallat karna Jadu kehlata hai.
Aur inn shaitani amliyat ke karnay walay ko Jadugar kehtay hain.
Jadu ka Maqsad:
Kyuke Jadu main kisi par jinnat ya shayateen ko musallat kia
jata hai aur unka wahid maqsad kisi insaan ko takleef pohanchana hai.
Jadu ki Qismain:
Jadu ki bohat si aqsaam
hain jaisa ke neechay bayan ki gai hain.
- Mian biwi main Jhagra aur fasaad kerwana
- Kisi ko La-ilaaj bemari main mubtala karna
- Karobar ko tabah karna
- Dimaghi taur par maflooj karna
- Kisi main Depression, Mayoosi, bezaari paida karna
- Allah ki yaad se door karna
- Shaadi aur rishton main rukawat Dalna
- Ghar main fasaad dalna
- Roz Marra ke kamon main rukawat dalna
- Jismani aur Rohani taur par kamzor karna
- Jisam main dard paida karna
- Zehan main har waqt ganday khayalaat ka aana
- Kisi ke dil main najaiz mohabbat daalna
- Kisi ko Be-intiha dar aur khauf main mubtala karna
Jadu ke Mareez ki tashkhees:
Jadu ke mareez ki tashkees aik aham marhala hai. Kyuke sahi
tashkhees se hi sahi ilaaj mumkin hai.
Tashkhees ke do tareeqay neechay bayan kiye gaye hain.
Alamaat ke Zariye Tashkhees:
Agar kisi main neechay bayan ki gai alamaat payi jati hain
to uss par jadu kay asraat hain.
Khawab main Ishara:
Agar neechay bayan kiye gaye khawab main se koi khawab aap baar
baar dekhain to yeh Jadu ki taraf Ishara hai.
- Khawab main khud ko kisi gandi jaga pe dekhna, ganday paani main khara dekhna, Pakhana dekhna.
- Khawab main Saanp yaa Bicchu dekhna, kalay kuttay yaa billi ko dekhna
- Khud ko bulandi se girtay huay dekhna
- Khawab main gum ho jana yaa raasta bhatak jana
Quran se Tashkhees:
Surah Fatiha 7
times
Ayatul Kursi 7
times
Surah Falaq 7
times
Surah Naas 7
times
Yeh tamam Qurani Soratain Awwal Aakhir 11 times Durood e Ibrahimi ke saath parh kar paani par
dum kar ke Mareez ko pilayein.
Agar paani ka zaiqa karwa mehsoos ho to Jadu ke asraat hain.
Jadu ka Ilaaj:
- Subah Fajar ki namaz ke baad 4th Kalma 100 times parh ke haathon pe dum karay aur pooray jisam par haath phair lay yeh amal 41 din ka hai (Awwal Aakhir Durood Shareef 11 times parhay)
- Surah Baqarah ki tilawat karay yaa sunay rozana 41 din tak
Monday, August 2, 2021
SURAJ TURDA NAAL BARABAR
ONLINE ISTIKHARA AND ROHANI ILAAJ
FOR FREE ONLINE ISTIKHARA AND SPIRITUAL TREATMENT CONTACT ON MY WHATSAPP NUMBER استخارہ اور روحا نی علاج کے لیے میرے واٹس ایپ نمبر پر راب...
-
Suraj Turda Naal Barabar Din Kyun Laggan Saal Barabar Vith Tay Sajna Vith Hundi Aye Bhanwien Howay Waal Barabar Akh Da Chaanan Mar Jaaway ...
-
Jadu ki Haqeeqat: Jadu Quran se sabit hai aur kai aik maqamaat par iss kaa tazkira maujood hai. Jadu kaa inkaar karna goya Quran ki ayaat ka...
-
FOR FREE ONLINE ISTIKHARA AND SPIRITUAL TREATMENT CONTACT ON MY WHATSAPP NUMBER استخارہ اور روحا نی علاج کے لیے میرے واٹس ایپ نمبر پر راب...